लोकनेते कै. राजारामबापू पाटील उत्कृष्ट शेड्युल्ड/मल्टी स्टेट नागरी सहकारी बँक पुरस्कार

Details

सहकाराचे व्रत आणि विचार घेऊन सर्वसामान्यांच्या आर्थिक उन्नतीसाठी काम करत असलेली आपली बँक सहकारात मानबिंदू ठरली आहे. 117 वर्षांची समृद्ध परंपरा असलेली आपली बँक सहकार चळवळीत मोलाचे योगदान देत आहे. भारतातील सहकार चळवळीच्या वाटचालीमध्ये बँकेचे स्थान निश्चितच कृतीशील व सेवाभावी वृत्तीने काम करण्याचा आदर्श आहे. सुमारे 11 राज्यात 198 शाखांचे जाळे विणून सहकाराची व्याप्ती वाढविण्याचे काम आपल्या बँकेने केले आहे, तो समाजहितासाठी केला आहे. आर्थिक विकासाबरोबरच आधुनिक कॉर्पोेरेट बँकिंग देण्यासाठी आपल्या बँकेने नवनवीन प्रणाली विकसित केली आहे, त्यातूनच ग्राहक सेवेतील गतिमानता बँकेचे वेगळेपण ठरले आहे. युवा पिढीमध्ये बँकिंग नेण्यासाठी आपले प्रयत्न काळाशी जोडून घेण्याच्या प्रक्रियाचा भाग आहे. बँकेने तीन हजार कोटींचा विदेशी मुद्रा व्यवसाय करून आपली बँक सर्वोत्तम व्यवस्थापनाला कायमच अग्रक्रम देत असते. महिला सबलीकरणासाठी सातत्याने अनेक उपक्रम राबविणारी आपली बँक महिला आर्थिक विकासाला चालना देऊन सहकारातील एक उत्कृष्ट आघाडीची बँक म्हणून आपण समाजात सकारात्मक विधायक बदल घडवून आणण्यासाठी हातभार लावत आहात. आपल्या बँकेची सकारात्मक इच्छाशक्ती व अभ्यासू कार्यपद्धती यामुळे गुणात्मक वाटचाल वेगाने होत असून काळाबरोबर बदलणारे आपल्या बँकेचे कार्य आहे. सातत्याने गतिशील आणि क्रियाशीलतेबद्दल आपल्या बँकेला अनेक पुरस्कारांनी गौरविण्यात आले आहे, हे अभिमानस्पद आहे. दि इकॉनॉमिक टाईम्स 2023 मध्ये महिलांसाठी सर्वोत्कृष्ट संस्था म्हणून आपल्या बँकेला सन्मानित करण्यात आले. तसेच बँको ब्लू रिबन सन्मान, बँकिंग क्रेडिट ग्रोथ आणि बेस्ट फिनटेक एंगेजमेंट बद्दल बँकिंग फ्रंटीअर्स पुरस्कार, दि महाराष्ट्र अर्बन को-ऑप . फेडरेशनतर्फे उत्कृष्ट बँक पुरस्कार तसेच मोस्ट इनोव्हेटिव्ह रिटेल बँक पुरस्कार बँकेची प्रगतीशीलता दर्शवितात.

Details

कोल्हापूरसारख्या शक्तिपीठाच्या शहरात असलेल्या आपल्या बँकेने स्वातंत्र्यपूर्व काळापासून सहकार आणि समाज ह्या क्षेत्रातील आपली बांधीलकी जपली आहे. विशेषतः कोरोनाच्या जागतिक आपत्तीच्या काळात आपल्या बँकेने जे कार्य केले आहे, ते उल्लेखनीय आहे. कोव्हीडच्या कठीण काळात कोल्हापूर जिल्ह्यात आपल्या बँकेकडून सर्वप्रथम एटीएम योजना कार्यान्वित करण्यात आली, त्यामुळे त्या आपत्तीच्या काळात लोकांना आर्थिक संकटाचा मुकाबला करण्याकरता बळ मिळाले. तसेच वीरशैव समाजाकरता शववाहिका प्रदान करून मृतांच्या नातेवाईकांना आपण त्या वेळी आवश्यक असलेले मनोबल दिले. पश्चिम महाराष्ट्रातील बँकांकरता आपण सातत्याने सहकार परिषदांचे आयोजन करत आला आहात. सहकार क्षेत्राकरता हे आपले महत्त्वाचे योगदान आहे. बँकेच्या सेवकांमार्फत रक्तदान शिबिर, महापुरात नुकसान झालेल्या सभासदांना आर्थिक मदत, तसेच कोव्हीड काळात जिल्हाधिकार्यांकडे 5 लाखांचा निधी देणे इत्यादी आपल्या बँकेचे कार्य आदर्श घेण्यासारखे आहे. शैक्षणिक कर्ज, सभासदांच्या गुणवंत पाल्यांचे कौतुक इत्यादी शिक्षण क्षेत्रातील आपले कामही महत्त्वाचे आहे. बसव ठेव योजना, धन्वंतरी कर्ज योजना, सारथी वाहन कर्ज, कृषिधन कर्ज योजना ह्या आपल्या उल्लेखनीय योजना आहेत. आपल्या ह्या योजनांमुळे समाजातील अनेक गरजू, होतकरू लघुउद्योजकांना उद्योगप्रवण होण्याकरता आर्थिक आणि पर्यायाने मानसिक बळ मिळत आहे. महाराष्ट्र राज्य सहकारी बँक्स असोसिएशनचा कै. पद्मभूषण वसंतदादा पाटील पुरस्कार, बँकिंग फ्रंटीअर्सचा सीबीएस अपडेशन पुरस्कार, पुणे जिल्हा बँक असोसिएशनचा एनपीए मॅनेंजमेंट पुरस्कार, कोल्हापूर जिल्हा नागरी सहकारी बँक्स् असोसिएशनचा उत्कृष्ट बँक पुरस्कार आपल्या बँकेची प्रगतीशील वाटचाल दर्शवतात.