उशीरा वैकुंथाई मेहता बेस्ट डिस्ट. सेंट्रल को-ऑप. बँक पुरस्कार ( संपूर्ण महाराष्ट्र ) कडून

award

Winners List

Winners from all corners of Maharashtra emerge as inspirations, showcasing the state's diverse talent and relentless pursuit of excellence.

अकोला जिल्हा मध्यवर्ती सहकारी बँक लि., अकोला

1994

रत्नागिरी जिल्हा मध्यवर्ती सहकारी बँक लि., रत्नागिरी

2023

रत्नागिरी जिल्हा मध्यवर्ती सहकारी बँक लि., रत्नागिरी

2023

Details

तळागाळातील जनतेसाठी व शेतकर्यांच्या आर्थिक उन्नतीसाठी कृतीशील जाणिवेतून काम करण्याचा सहकार धुरीणांचा विचार घेऊन बँकेची वाटचाल अनेकांना प्रेरणा देणारी आहे. 1 जुलै 1983 रोजी रत्नागिरी जिल्ह्यात एक सहकार पर्व सुरू होऊन रत्नागिरी जिल्हा मध्यवर्ती सहकारी बँक लि., रत्नागिरीच्या रूपाने शेतकरी मेळाव्यांच्या माध्यमातून आर्थिक सबलीकरणाचा विचार आपण कृतीशीलपणे रूजवला. बँकेचे सभासद प्राथमिक शेती संस्थांच्या पदाधिकारी यांच्यासाठी बँकिंगविषयक कार्यशाळा आयोजित करण्याचा आपला कृतीशील विचार दूरदृष्टीचे प्रतीक म्हणावे लागेल. कर्ज व वसुलीसाठी आपण ग्रामीण पातळीवर प्रबोधन करून राबवलेली योजना शेतकर्यांना संजीवनी देणारी ठरली, त्याचबरोबर कोकणातील महापुरामुळे नुकसान झालेल्या उद्योगांना आपण बळ देऊन ऊर्जितावस्था दिली. ग्रामीण संस्थांच्या सबलीकरणाला आपण नेहमीच प्राधान्य दिले असून धर्मदाय निधी उभारून जिल्ह्यातील शैक्षणिक, सामाजिक उपक्रमांना मदत करून त्यांना उभारी दिली आहे. आर्थिक शिस्त आणि सामाजिक बांधीलकीचा आपण मेळ घालून आपदग्रस्त शेतकर्यांना मदत, कोव्हीड रूग्णांना मदत, अनाथ, निराधार बालकांचे संगोपन याकरिता सहाय्य, बचत गट मेळावे, महिला सबलीकरण मेळावा, युवक-युवतींसाठी प्रधानमंत्री रोजगार योजना, मुख्यमंत्री रोजगार योजना राबवून युवा पिढीला जोडून घेतले आहे, ही नव्या काळाची गरज आहे. शेती, शेतीपूरक व बिगर शेती कर्ज धोरण, किसान क्रेडिट कर्ज, तसेच ग्राहकांसाठी आधुनिक गतिमान सेवांची उपलब्धता करून दिली आहे व त्याला ग्राहकांचा उत्तम प्रतिसाद लाभला आहे. समाजातील सर्वच घटकांना सामावून घेऊन त्यांच्यापर्यंत बँकिंग पोहचण्याची आपल्या बँकेच्या संचालक मंडळाची तळमळ निश्चितच वाखाणण्याजोगी आहे. समाजाला जोडून घेऊन अविरत सेवा देण्याची आपल्या बँकेची पद्धत निश्चितच लक्षवेधी असून आपल्या बँकेची आधुनिक तंत्रज्ञानाशी नाळ असल्याने महाराष्ट्र राज्य बँक असोसिएशन, तंत्रज्ञान प्रसार पुरस्कार, महाराष्ट्र शासनाच्या सहकार निष्ठ पुरस्कार, बॅकिंग फ्रंटीअर्सचा बेस्ट एच.आर. प्रॅक्टिस व बेस्ट डिजिटल मार्केटिंग पुरस्कार, बेस्ट चेअरमन व बेस्ट क्रेडिट ग्रोथ पुरस्कार, बेस्ट प्रोडक्ट इनोव्हेशन पुरस्कार, असे मानाचे अनेक पुरस्कार संपन्न वाटचालीचा विचार देतात

सिंधुदुर्ग जिल्हा मध्यवर्ती सहकारी बँक लि., सिंधुदुर्ग

2023

सिंधुदुर्ग जिल्हा मध्यवर्ती सहकारी बँक लि., सिंधुदुर्ग

2023

Details

आधुनिकतेचा विचार आणि प्रसार प्रत्यक्षात आणण्यासाठी आपल्या बँकेची दिशादर्शक मार्गदर्शक वाटचाल अनेकांना प्रेरणा देणारी आहे. सिंधुदुर्ग जिल्ह्यातील विकास संस्थांचा कारभार जलद गतीने व पारदर्शकपणे होण्यासाठी 100% संगणकीकरण आपण केले, हा आधुनिकतेचा विचार आहे. कर्जवसुली आणि प्रशिक्षण कार्यशाळांच्या माध्यमातून बँकेने निर्माण केलेली व्यवस्थापन प्रणाली आदर्शवत ठरली आहे. संचालक मंडळ व विविध उपसमित्या यांच्यात समन्वय साधून बँकेचा विकास उत्तम पद्धतीने होत आहे हे निश्चितच अभिनंदनीय आहे. महिला सबलीकरणासाठी विधवा व परित्यक्ता महिलांना कर्ज रूपाने आर्थिक आधार, मच्छिमारी करणार्या महिलांना कर्ज उपलब्ध करून सबलीकरणाचा कृतीशील विचार आपण दिला आहे. त्याचबरोबर युवाशक्तीला आर्थिक बाबींची माहिती व्हावी व त्यांना रोजगार उपलब्ध व्हावा यासाठी सिंधु सहयोग कक्ष स्थापून व्यवसायासाठी पोर्टल तयार करून त्यांना स्वयंरोजगारासाठी मदत केली असून, कमी व्याज दराने कर्ज उपलब्ध करून दिले आहे, ही आधुनिकतेची कास आहे. शेतकरी बांधवाशी असलेली बँकेची नाळ त्यांच्या आर्थिक विकासाला पूरकच ठरली आहे. ग्राहकांना उत्तमोत्तम सेवा देण्यासाठी बँकेने आपले सुरू केलेले अद्ययावत डाटा सेंटर नव्या जगाशी जोडून घेण्याची बांधीलकी आहे. महिलांना बचत गटांमार्फत व्यावसायिक कर्ज, स्वप्नपूर्ती कर्जयोजना, महिलांना वाहन कर्ज, विद्यार्थी व युवकांसाठी बळीराजा शैक्षणिक कर्ज, उच्चशिक्षण घेणार्यासाठी ज्ञानदा शिक्षण कर्ज, शिक्षणाच्या मुख्य प्रवाहात आणण्यासाठी मूलभूत ठरले आहे. ग्राहकांना उत्तमोत्तम सेवा देण्यात आपली बँक निश्चितच अग्रभागी आहे. शेती, बिगर शेती कर्ज, दीर्घ मुदतीचे कर्ज, धनवर्धिनी ठेवी अशा योजना बँकेच्या विकासात्मक वाटचालीतला महत्त्वाचा भाग आहे. समाजमनांशी नाते जोडणार्या सिंधुदुर्ग जिल्हा मध्यवर्ती सह. बँकेने सहकारात नावलौकिक संपादन केला आहे, त्याचाच सन्मान अनेक संस्थांनी केला आहे. महाराष्ट्र राज्य को-ऑप. बँक्स असोसिएशन, मुंबई चा आर्थिक नियोजन उत्कृष्ट केल्याबद्दल, महाराष्ट्र शासनाच्या सुवर्णजयंती ग्रामस्वयंरोजगार योजनेत उल्लेखनीय कामगिरीबद्दल पुरस्कार, वैकुंठभाई मेहता जिल्हा मध्यवर्ती बँक पुरस्कार, बिझनेस एक्सप्रेस पुरस्कार, बँको पुरस्कार अशा अनेक पुरस्कारांनी सन्मानित आपली बँक यशोशिखराचा यशस्वी प्रवास दर्शवते.

दि सातारा जिल्हा मध्यवर्ती सहकारी बँक लि., सातारा

2023

दि सातारा जिल्हा मध्यवर्ती सहकारी बँक लि., सातारा

2023

Details

सहकाराची उत्तुंग परंपरा असलेली सन 1949 मध्ये स्थापन झालेली सातारा जिल्हा मध्यवर्ती सहकारी बँक म्हणजे सहकार संस्कृतीचा मानबिंदू आहे. समाजातील तळागाळातील जनतेची आर्थिक जीवनवाहिनी म्हणून आपल्या बँकेने सर्वसामान्यांच्या मनात अढळ स्थान निर्माण केले आहे, हे निश्चितच सहकार क्षेत्राला प्रेरणा देणारे आहे. ग्रामीण पातळीवरील सहकारी संस्थांना एकत्र आणून त्यांच्यात आर्थिक नियोजन व शिस्त यांची सांगड घालून बँकेचे संचालक, बँकेचे अधिकारी, कर्मचारी सहकारातील शासकीय अधिकारी यांच्या समन्वयातून आर्थिक अडचणीतील संस्थांना सक्षम केले. जनसामान्यांचे सहकार क्षेत्राशी नाते दृढ केले. बांधीलकीच्या भावनेतून संस्थांना उभारी देण्यासाठी बँकेने नफ्यातून मदत केली, याचबरोबर प्राथमिक विकास संस्थांसाठी व्यवसाय विकास आराखडे तयार करून कर्ज व्यवहारात वाढ करून व्यवसायात यश मिळवून जोखीम व्यवस्थापनाची उत्तम व्यवस्थापन शैली सर्वसामान्यांच्या हिताची ठरली आहे. आर्थिक विकासाबरोबर सामाजिक बांधीलकीचा वसा बँक जोपासत आहे, हे अभिनंदनीय आहे. कोवीड काळात अनेकांना मदतीचा हात देत त्यांना मोफत अन्न धान्य वाटप, शैक्षणिक कर्जदार सभासदांसाठी वसुली प्रोत्साहन निधी, ग्रामीण कारागिरांसाठी कर्ज सवलत अशा सुविधांतून सभासदांप्रती बँकेची सामाजिक बांधीलकीची आस्था दिसून येते. त्याचबरोबर पर्यावरण रक्षणासाठी वृक्ष लागवड, रक्तदान शिबिर, मुंबई बॉम्बस्फोट दंगलीतील सातारा जिल्ह्यातील मृतांच्या वारसांना आर्थिक मदत, शहीद जवानांच्या कुटुंबीयांना आर्थिक मदत तसेच कराड येथे झालेल्या साहित्य संमेलनासाठी कर्मचारी व अधिकारी वर्गाने एक लाखाचा निधी दिला होता, हे संस्कृती संवर्धनाला बळ देणारे आहे. आपल्या बँक परिवारासाठी, त्यांच्या कलागुणांना प्रोत्साहन देण्यासाठी सांस्कृतिक कार्यक्रमांचे आयोजन, त्याचबरोबर महिलांच्या कल्याणासाठी महिलांमध्ये आर्थिक साक्षरता निर्माण होण्यासाठी महिला मेळाव्यांचे आयोजन, महिलांसाठी विविध योजना त्यांच्यापर्यंत पोहोचविण्यासाठी प्रबोधन शिबिरे हा अर्थजागृतीचा आधुनिक विचार आहे. बँकेच्या व्यवसाय वृद्धीसाठी ग्राहकसेवा योजना अनेकांसाठी उपयुक्त ठरल्या आहेत. समाजातील विविध थरातील जनता यामुळे बँकेशी जोडली गेली. शेतकरी बांधवांसाठी हक्काची नागरी सहकारी बँक म्हणून त्यांच्या जीवनात स्थैर्य आणण्याचे मूलभूत कार्य आपली बँक निष्ठेने करत असून हे सहकाराला बळ देणारे आहे. सहकारी विकास संस्थांना संगणकीकरणासाठी अल्पमुदतीत कर्ज ही आधुनिकीकरणाच्या प्रगतीची नांदीच म्हणावी लागेल. सामाजिक विकासाच्या कार्यक्रमात सहकारी संस्थांशी सहकार्याचे, समन्वयाचे संबंध प्रस्थापित करण्याचे धोरण कै. वैकुंठभाई मेहता यांनी मांडले.

पुणे जिल्हा मध्यवर्ती सह बँक मर्यादित पुणे

2023

पुणे जिल्हा मध्यवर्ती सह बँक मर्यादित पुणे

2023

Details

सहकारातून नवसंजीवन देण्याचा कृतीशील विचार पुणे जिल्हा मध्यवर्ती सहकारी बँकेने दिला आहे. शेतकरी बांधवांंसाठी शेतीपूरक व्यावसायिक प्रशिक्षण, अॅग्रीकल्चर डेव्हलपमेंट ट्रस्टच्या माध्यमातून शेतीविकासाला आपल्या बँकेने चालना दिली आहे. बँकेचे सभासद, अधिकारी, कर्मचारी यांनाही प्रशिक्षणाच्या माध्यमातून सहकाराच्या मुख्य प्रवाहात आणले असून सक्षमीकरणासाठी प्रयत्न केले आहेत, हे निश्चितच अभिनंदनीय आहे. याचबरोबर नाबार्डच्या निकषानुसार प्राथमिक शेती सहकारी संस्था विकास कक्ष स्थापन करून ग्रामीण भागापर्यंत बँकिंगमधील आधुनिक जनसेवा विकसित करण्यात मोलाचे योगदान दिले आहे, याचबरोबर महिला सक्षमीकरणासाठी आर्थिक साक्षरतेचा प्रसार होण्यासाठी प्रबोधनात्मक कार्यक्रम आपल्या बँकेने राबवले आहेत. ग्रामीण पातळीवरील जनतेसाठी आर्थिक जीवनवाहिनी म्हणून बँक आपले वेगळेपण टिकवून यातून आपल्या सर्वांची सहकाराविषयी निष्ठा दिसून येते, त्याचबरोबर आर्थिक विकासाबरोबरच सामाजिक क्षेत्रातील बँकेची वाटचाल समाजविकासाचा नवा विचार देणारी आहे. बँकेने आरोग्य शिबिरे, 100 कोटी वृक्ष लागवडीसाठी बँकेचा सहभाग, ग्राम स्वच्छता अभियानात सहभाग, गणेशोत्सवात निर्माल्य संकलन, नाबार्ड यांच्या सोबत कर्जपुरवठा धोरण, पुणे जिल्ह्यातील 457 शिबिरांच्या माध्यमातून 22,673 बचत खाती उघडली असून अशा उपक्रमातून बँकेने सर्व सामान्य जनतेला जोडून घेतले आहे. बँकेच्या सभासदांना मोबाईल अॅपची सुविधा देऊन आधुनिक तंत्रज्ञानाशी त्यांना जोडून घेतले आहे. तसेच महिलांसाठी बँक आपल्या दारी उपक्रम लोकाभिमुख ठरला आहे. नाबार्ड व बँकेच्या संयुक्त विद्यमाने बचत गटांनी तयार केलेला फराळ, गृहोपयोगी वस्तू विक्री करण्यासाठी बँकेने विनामूल्य स्टॉल उपलब्ध करून दिले असून तो महिला सक्षमीकरणाचा विचार आहे. ग्रामीण भागातील शिक्षणसंस्थांना मदत म्हणून रूपये पन्नास हजारापर्यंत मदत उपलब्ध करून बँकेचा शिक्षण जागृती सर्वांपर्यंत पोहचविण्याचा महत्त्वाचा भाग आहे. बँकेच्या या प्रगतीशील वाटचालीसाठी अनेक महत्त्वाचे पुरस्कार बँकेस प्राप्त झाले असून, त्यात नाबार्डतर्फे बचत गटांच्या उत्कृष्ट कार्याबद्दल बेस्ट परफॉरमन्स अवार्ड, महाराष्ट्र शासनातर्फे सहकार भूषण पुरस्कार, बँक फ्रंटिअर्स तर्फे बेस्ट ई-पेमेंट व बेस्ट कॅश अॅटोमायझेशन पुरस्कार, बँको पुरस्कार बँकेसाठी मानबिंदू ठरले आहेत.

कोल्हापूर जिल्हा मध्यवर्ती सहकारी बँक लि., कोल्हापूर

2023

कोल्हापूर जिल्हा मध्यवर्ती सहकारी बँक लि., कोल्हापूर

2023

Details

सन 1938 मध्ये स्थापन झालेल्या कोल्हापूर जिल्हा मध्यवर्ती सह बँक लि. ला सहकाराची प्रदीर्घ परंपरा आहे. सहकार संस्कृती रूजविण्यासाठी बँकेने केलेल्या प्रयत्नांची कृतिशील कामे आज तळागाळापर्यंत पोहोचली आहेत. शेतकरी व प्राथमिक शेती सेवा संस्थांच्या माध्यमातून विकासाचा मार्ग निश्चित केला व त्यांच्यापर्यंत आर्थिक सबलीकरणाच्या योजना पोहचवून आदर्श निर्माण केला आहे. कृषि यांत्रिकीकरण, सिंचन योजना, फळबाग लागवड, बिगर शेती कर्ज, शेतकरी विमा संरक्षण, प्रकल्प कर्ज अशा योजनांच्या माध्यमातून बँकेची व्यवस्थापन प्रणाली वैविध्यपूर्ण आणि गतिमानतेने कार्य करते, याची प्रचिती देते. सर्वसामान्य जनतेच्या हितासाठी सेवाभाव तसेच शिस्तशिरता यांची सांगड घालत बँकेची वाटचाल यशोशिखराकडे होत आहे. ज्येष्ठ नागरिकांच्या आर्थिक गरजांचे नियोजन सूत्रबद्ध व्हावे, यासाठी आधार पेन्शन कर्ज ही त्यांच्या आर्थिक सुरक्षेची हमीच आपण घेतली आहे, ही बँकेची सामाजिक ऋणांची परतफेड आहे, तसेच सैन्य दलातील सैनिकांसाठी पंचवीस लाखापर्यंतचे गृहकर्ज सुविधा तसेच जिल्हाधिकारी कार्यालयाकडे सैन्य दलासाठी बँक कर्मचार्यांनी ध्वज निधी जमा करून दिला. कोवीडच्या संवेदनशील काळात ग्राहकांना सॅनीटायझर, मास्क सुविधा तसेच अंध, अपंग, दिव्यांग बांधवांना घरपोच बँकिंग सेवा देऊन सामाजिक बांधीलकीचा आदर्श निर्माण केला आहे. शिक्षणातून समाज घडतो या जाणीवेतून ग्रामीण भागातील मुला-मुलींना परदेशातील उच्च शिक्षणासाठी 30 लाखापर्यंत अर्थसहाय्य दिले जाते, हे आधुनिक शिक्षण प्रणालीचा स्वीकार करण्याचा बँकेचा विचार आहे. तसेच महिला सबलीकरणाला बळ देण्यासाठी महिला आर्थिक विकास महामंडळासोबत सामंजस्य करार करून कर्ज मंजुरी, आण्णासाहेब पाटील आर्थिक विकास महामंडळाअंतर्गंत महिला बचतगटांना प्रकल्प उभारणी करता कर्ज, हे महिला विकासाला चालना देणारे ठरले आहे. तसेच तरूणांना उद्योग व्यवसायाकडे आणण्यासाठी कर्ज सुविधा दिशादर्शक ठरली आहे. बँकेची गतिमान कार्यप्रणाली व धोरणात्मक निर्णय हे व्यवस्थापनाचे वेगळेपण आहे त्यासाठी विविध समित्या उत्तम काम करत आहेत, त्याचा उपयोग बँकेच्या व्यवसाय उद्दिष्टपूर्तीसाठी होतो, हे अभिनंदनीय आहे. ग्राहकांसाठी बँकेने राबविलेल्या अनेक योजना बँकेच्या प्रगतीला पूरकच ठरल्या आहेत. बँकिंग क्षेत्रातील आधुनिक बदल, डिजिटल व्यवहार ग्राहकांपर्यंत पोहचविण्यासाठी मोबाईल व्हॅन, मोबाईल बँकिंग व युपीआय सुविधा, मायक्रो एटीएम, पॉझिटिव्ह पे सिस्टीम, ग्रीन पिन सुविधासारख्या सुविधा बँकेच्या वाटचालीतील विकासात्मक किनार आहे. बँकेच्या वाटचालीचा गौरव म्हणून अनेक महत्त्वाचे पुरस्कार देऊन बँकेला गौरविण्यात आले आहे. महाराष्ट्र राज्य ग्रामीण जीवन ज्योती अभियान उमेदकडून राज्यस्तरीय पुरस्कार, महाराष्ट्र राज्य ग्रामीण उपजीविका योजनेबद्दल पुरस्कार, अर्थ मंत्रालय भारत सरकार अंतर्गत जीएसटी विभागाकडून राष्ट्र उभारणीस महत्त्वपूर्ण योगदानाबद्दल पुरस्कार बँकेचा गौरवशाली प्रवास दाखवतात.

दि अहमदनगर डिस्ट्रिक्ट सेंट्रल को-ऑपरेटिव्ह बँक लि., अहमदनगर

2023

दि अहमदनगर डिस्ट्रिक्ट सेंट्रल को-ऑपरेटिव्ह बँक लि., अहमदनगर

2023

Details

समाजाशी बांधीलकी मानून जनसामान्यांसाठी अविरत सेवा देणार्या अहमदनगर जिल्हा बँकेने आर्थिक नियोजन व विकास करून समाजात आदर्श निर्माण केला आहे. सन 1957 मध्ये स्थापना असलेली आपली बँक विकासाच्या नव्या वाटांचा शोध घेऊन जनसामान्यांसाठी अविरतपणे काम करत आहे हे निश्चितच अभिनंदनीय आहे. समाज व आर्थिक विकासाचा नवा विचारही आपल्या बँकेने रुजवला आहे. ग्रामीण भागातील मूलभूत प्रश्नांसाठी सातत्याने नव-नवीन योजना बँक राबवत आहे. अर्थकारण हा केंद्रबिंदू मानून सामाजिकतेचा वसा हे बँकेचे वेगळेपण आहे. त्यातूनच भूकंपग्रस्त, दुष्काळ, सुनामी संकटात अनेकांना मदतीचा हात दिला आहे. पाणी टंचाईग्रस्त भागात पाण्यासाठी टाक्यांचे वितरण, मुख्यमंत्री सहाय्यता निधी मदत, सहकारी संस्थांचे सभासद शेतकरी जनतेसाठी आरोग्यविषयक मदत, कोविड व अतिवृष्टी काळात आर्थिक मदतीचा हात बँकेने दिला आहे, ही माणुसकीची फुंकर आहे. बँकेतर्फे आयोजित केलेली रक्तदान शिबिरे, कर्करोग रुग्णांसाठी मदतकार्य मार्गदर्शन मोलाचे ठरले आहे. याचबरोबर सांस्कृतिक कार्यक्रमाच्या माध्यमातून अभिरूचीसंपन्न रसिक घडवण्याचे काम स्तुत्य आहे, त्यासाठी यशवंतराव चव्हाण अद्ययावत सहकार सभागृह सांस्कृतिक केंद्र म्हणून नावारुपाला आले आहे. ग्रामीण भागातील मुला-मुलींना शैक्षणिक कर्ज त्यांच्यासाठी शिक्षणाचा मार्ग सुकर करणारा आहे. महिलांसाठी त्यांना स्वावलंबी जगण्यासाठी विविध उद्योगांसाठी, व्यवसायांसाठी उपलब्ध करून दिलेली आर्थिक मदत त्यांच्या सक्षमीकरणातले महत्त्वाचे पाऊल आहे. आर्थिक साक्षरता रुजवण्यासाठी, डिजिटल चलनाचे महत्त्व, मोबाईल व्हॅनद्वारे जनसामान्यांपर्यंत पोहोचविण्यात येते हा अभिनव उपक्रम आहे. गावपातळीवर बँक सभासदांचे मेळावे आयोजित करत असते, त्यातून आर्थिक प्रबोधन करून बँकिंग क्षेत्रात येणार्या तरूण-तरूणींसाठी बँकेमार्फत मार्गदर्शन करून सहकाराची व्याप्ती वाढवण्याचे महत्त्वाचे काम बँक करित आहे. बँकेतर्फे डेबिट कार्ड, शेतकर्यांसाठी रूपे किसान कार्ड, एसएमएस अलर्ट सेवा, मोबाईल अॅप, सहकार बँकिंगशी जोडण्याचा महत्त्वाचा भाग आहे. बँकेच्या वाटचालीसाठी अनेक पारदर्शक पुरस्कार बँकेची विकासात्मक वाटचाल दाखवतात. बँको पुरस्कार, महाराष्ट्र राज्य बँक्स् असोसिएशनचा कै.वैकुंठभाई मेहता पुरस्कार, बँकिंग फ्रंटीअर्सचा पुरस्कार, महाराष्ट्र शासनाचा ‘सहकार निष्ठा पुरस्कार’, एनपीए नियंत्रणासाठी ‘अहमदनगर बँक असोसिएशनचा पुरस्कार’ हे पुरस्कार मानाचा तुरा रोवणारे आहेत.

लातूर जिल्हा मध्यवर्ती सहकारी बँक लि., लातूर

2023

लातूर जिल्हा मध्यवर्ती सहकारी बँक लि., लातूर

2023

Details

सहकार क्षेत्राच्या विकासासाठी नियोजनबद्ध आणि समर्पणाच्या भावनेतून लातूर जिल्हा मध्यवर्ती सहकारी बँक निष्ठेने कार्य करत आहे. सहकारी संस्थांना बळकटी येण्यासाठी शेतकरी बांधवांमध्ये नेतृत्व गुण विकसित होण्यासाठी बँक करत असलेेले प्रयत्न निश्चितच वाखणण्याजोगे आहेत. पाणी बचत करण्यासाठी जलयुक्त शिवार, पीक विमा योजनेत बँकेने घेतलेला पुढाकार हरीतक्रांतीची जाणीव करून देणारा आहे. त्यातूनच सहकारी संस्थांच्या आर्थिक उन्नतीसाठी बँक करीत असलेले प्रयत्न विकासाचा नवा मार्ग दाखवतात. एसएमएस व एटीएम सुविधा तसेच आधुनिक तंत्रज्ञानाचा वापर बँकेची प्रगतीशीलता दर्शविते. समाजाची आर्थिक प्रगती व्हावी याबरोबरच तळागाळातील जनतेपर्यंत आर्थिक साक्षरता पोहचवण्यासाठी मेळाव्यांच्या माध्यमातून आर्थिक समावेशक उपक्रम अत्यंत स्तुत्य आहे. बँकेच्या योजना विषयी माहिती देऊन बँकिंगकडे आकर्षित करण्याचा आपला उपक्रम दिशादर्शक आहे. सांस्कृतिक आणि सामाजिक भान जपणारी आपली बँक संस्कृती संवर्धनाचे कार्य निष्ठेने करत आहे. सांस्कृतिक कार्यक्रमांना प्रायोजकत्व तसेच क्रीडा क्षेत्रातील उदयोन्मुख खेळाडूंना प्रोत्साहन बँक देत असते. त्याचबरोबर शिक्षणाच्या माध्यमातून सबलीकरणाचा विचार प्रत्यक्षात आणण्यासाठी शेतकरी, सभासदांच्या पाल्यांना शैक्षणिक कर्ज सुविधा ही आधुनिक विचारांची जोपासना आहेे. महिला सक्षमीकरणासाठी बचत गटांना कर्ज सुविधा, डिजिटल साक्षरता मेळावे व शासनाच्या विविध योजना महिलांपर्यंत नेऊन त्यांना सुविधांचा लाभ मिळवून दिला आहे. नियोजनबद्ध व प्रगतीशील धोरणांच्या माध्यमातून संचालकांच्या समन्वयातून बँक यशोशिखराकडे वाटचाल करत आहे. विश्वासार्हता व पारदर्शकता ही जाणीव संस्थेच्या विकासाला पूरक म्हणून आपण स्वीकारली आहे हे आपल्या सामूहिक प्रयत्नांचे फलित आहे. महाराष्ट्र टाईम्स् तर्फे ‘उत्कृष्ट आर्थिक व्यवस्थापन पुरस्कार’ नाबार्ड तर्फे बेस्ट एसएचजी लिंकेज उत्कृष्ट कोअर बँकिंग प्रणाली अंमलबजावणी पुरस्कार, बँकिंग फ्रंटीअरतर्फे उत्कृष्ट ठेवी वृध्दी, उत्कृष्ट ग्राहक सेवा बद्दल पुरस्कार, बँक पुरस्कार महाराष्ट्र शासनातर्फे सहकार भूषण व सहकारनिष्ठा पुरस्कार बँकेची प्रगत वाटचाल दर्शवितात.

दि गडचिरोली डिस्ट्रिक्ट सेंट्रल को-ऑप.बँक लि., गडचिरोली

2023

दि गडचिरोली डिस्ट्रिक्ट सेंट्रल को-ऑप.बँक लि., गडचिरोली

2023

Details

गडचिरोली आणि परिसरातील दुर्गम भागात सहकार आणि सामाजिक क्षेत्रांत काम करणे, ही अशक्य गोष्ट वाटू शकते, परंतु आपल्या बँकेने ह्या क्षेत्रांत सातत्याने नवे उपक्रम राबवत, ही गोष्ट अवघड नसल्याचे सिद्ध करून दाखवले आहे. संस्थेच्या शेतकरी सभासदांना पीक कर्जाव्यतिरिक्त आपण रजत जयंती कृषी पत मर्यादा आणि शेतकरी समाधान योजना चालू केली, त्याअंतर्गत आपण गरजू शेतकर्यांना कर्ज उपलब्ध करून देत आहात. नाबार्डच्या सहकार्याने संगणकीकरण हा उपक्रम आपल्या बँकेकडून राबवला जातो. सहकार क्षेत्रातील उल्लेखनीय कार्याकरता जिल्ह्यातील एका व्यक्तीचा दरवर्षी सत्कार केला जातो, ज्यामुळे सहकार कार्याला प्रोत्साहन मिळते. सामाजिक क्षेत्रातही आपली बँक सातत्याने भरीव कामगिरी करत आहे. लोकबिरादरी प्रकल्प तसेच इतर संस्थांना निधी देणे, महिलांकरता वस्तू-वाटप, आर्थिक व्यवहारासंबंधी कार्यशाळा, रक्तदान शिबिरे, वृद्धाश्रमांना अर्थसाहाय्य, शासकीय कार्यालयात बँकिंगसंबंधी कार्यशाळा इत्यादी अनेक समाजोपयोगी उपक्रम बँक सातत्याने राबवत आहे. सांस्कृतिक क्षेत्रांकरता बँकेने कसे सहकार्य करावे, ह्याबद्दल आपल्या बँकेने केलेल्या कार्याचे उत्तम उदाहरण म्हणून उल्लेख करायला हवा. स्वातंत्र्याचे अमृत महोत्सवी वर्ष साजरे करणे, राष्ट्रीय ध्वजाचे वाटप, भक्तिसंगीत, क्रीडास्पर्धांचे आयोजन इत्यादी सांस्कृतिक कार्यक्रम आपल्या बँकेकडून यशस्वीरीत्या आयोजित केले जातात. शैक्षणिक क्षेत्राचे महत्त्व ओळखून आपल्या बँकेने त्यामध्येही अनेक प्रकल्प कार्यान्वित केले आहेत. शाळांमधील वर्गखोल्या डिजिटल करून देणे, पिण्याच्या पाण्याची व्यवस्था करणे, मुलांकरता महामॅरॅथॉन स्पर्धा आयोजित करणे, वनवासी कल्याण आश्रमाच्या वसतिगृहाला साहित्य पुरवणे इत्यादी विविध प्रकारचे सहकार्य आपली बँक करते. महिला सबलीकरण हेदेखील आपल्या सामाजिक कार्यांतील एक महत्त्वपूर्ण प्रयोजन आहे. त्या दृष्टीने महिला समृद्धी बचत योजना, महिला समृद्धी कर्ज योजना यशस्वीपणे राबवल्या जात आहेत. त्यामुळे, जिल्ह्यातील अनेक महिला लघुउद्योजक झाल्या आहेत. आपल्या बँकेने त्यांना प्रगतीचे आकाश मोकळे करून दिले आहे. युवा पिढीच्या हातात आपल्या देशाचे भवितव्य आहे, हे ओळखून महाविद्यालयीन विद्यार्थ्यांना बँकिंग क्षेत्राची ओळख करून देणे, ह्या विषयावर बँकेने भर दिला असून त्याअंतर्गत अनेक मार्गदर्शनपर शिबिरे आपण आयोजित करत असता. आपल्या बँकेकडून जिल्ह्यातील समाजसेवी व्यक्तींचा गौरव केला जातो. शासनाच्या विविध उपक्रमांनाही आपली बँक साहाय्य करते. बँकेच्या भरीव कामगिरीची नोंद घेऊन आपल्या बँक व्यवस्थापनाला अनेक पुरस्कार मिळाले आहेत. बँकिंग फ्रंटीयर्सचा बेस्ट आय.टी.पुरस्कार बँकोतर्फे ब्लू रिबन पुरस्कार, कै. वैकुंठभाई मेहता उत्कृष्ट जिल्हा बँक पुरस्कार, नाबार्ड क्षेत्रीय कार्यालय पुणेचा वित्तीय समावेशनात उल्लेखनीय कार्याबद्दल पुरस्कार देऊन आपल्या बँकेस गौरविण्यात आले आहे. सामाजिक विकासाच्या कार्यक्रमात सहकारी संस्थांशी सहकार्याचे, समन्वयाचे संबंध प्रस्थापित करण्याचे धोरण कै. वैकुंठभाई मेहता यांनी मांडले

दि अकोला-वाशिम जिल्हा मध्यवर्ती सहकारी बँक मर्यादित, अकोला

2023

दि अकोला-वाशिम जिल्हा मध्यवर्ती सहकारी बँक मर्यादित, अकोला

2023

Details

बँक क्षेत्राशी संलग्न असलेल्या इतर क्षेत्रांचे सक्षमीकरण करणे, हे आपल्या व्यवस्थापनाचे उद्दिष्ट स्तुत्य आहे. त्या अनुषंगाने आपण अनेक विधायक उपक्रम आयोजित करत असता, ज्यामध्ये प्रशिक्षण वर्ग, मार्गदर्शनपर मेळावे, शिबिरे इत्यादींचा समावेश आहे. आपल्या बँकेचे सहकार क्षेत्रातील कार्य उल्लेखनीय आहे. सामाजिक क्षेत्रातही आपली बँक सतत क्रियाशील आहे. पर्यावरणाचे असंतुलन होण्यामागच्या कारणांचा अभ्यास करून आपल्या बँकेने जलतज्ज्ञांच्या साहाय्याने स्वमालकीच्या सर्व शाखांवर रेनवॉटर हार्वेस्टिंगचे काम चालू केले आहे, जेणेकरून पावसाचे पाणी वाहून न जाता जमिनीत मुरेल, आपल्या ह्या उपक्रमामुळे सर्वांनाच जलसंपत्तीचे महत्त्व किती आहे हे कळते. नैसर्गिक संपत्तीची काळजी हा आपल्या सामाजिक कार्याचा एक प्रमुख उद्देश आहे, त्याअंतर्गत आपण आपल्या सर्व शाखांमध्ये सौरऊर्जा प्रणालीचा वापर करत आहात. आपली सोलर-कर्ज योजना हा त्याचाच एक भाग आहे. तसेच वृक्ष लागवड, पाणी वाचवा अभियान ह्याअंतर्गत आपली बँक सतत विविध उपक्रम करत असते. सामाजिक बांधीलकी जपण्याच्या प्रेरणेतून आपण रक्तदान शिबिरेही आयोजित करता. युवा पिढीला अर्थव्यवहारात सजग करण्याकरता आपली बँक शैक्षणिक संस्थांमध्ये शिबिरे घेते. विद्यार्थ्यांकरता झिरो-बॅलन्स तत्त्वावर खाते उघडते, हे काम अतिशय स्तुत्य आहे. होतकरू महिलांना व्यवसाय सुरू करण्यास प्रोत्साहन आणि आधार मिळावा म्हणून आपण नारी-सन्मान योजना कार्यान्वित केली आहे. खातेदारांच्या फायद्याच्या दृष्टीने आपण अनेक ठेव-योजना जाहीर केल्या, त्यामध्ये रिकरिंग ठेव योजना, महाबचत ठेव योजना इत्यादींचा समावेश असून त्यांना खातेदारांचा भरघोस प्रतिसाद मिळाला, आणि मिळत आहे. शासनाच्या विविध योजनांमध्येही आपल्या बँकेने भरीव योगदान दिले आहे. आपल्या बँकेने आतापर्यंत सहकार आणि सामाजिक क्षेत्रात केलेल्या महत्त्वपूर्ण कार्याकरता आपल्या खातेदारांनी आणि समाजातील इतर घटकांनीही बँकेला गौरविले आहे. आपल्या बँकेने अर्थकारणाला सहकाराची योग्य जोड दिली आहे, त्याबरोबरच समाजकारणातही सतत कार्यरत राहून अर्थ आणि जीवन ह्यांचा योजनाबद्ध संगम कसा करावा, ह्याचा एक उत्तम पायंडा घालून दिला आहे. आपल्या बँकेतील प्रत्येक घटकाचा त्याला मोलाचा हातभार लागला आहे. शतकोत्तर परंपरा असलेली दि अकोला-वाशिम जिल्हा मध्यवर्ती सहकारी बँक सहकार क्षेत्रात कार्यशैलीने मानबिंदू ठरली आहे. 112 शाखांचा विस्तार असलेली आपली बँक तळागाळापर्यंत अर्थ चळवळीचा विचार नेत आहे. बँकिंग फ्रंटीअर्सचा बेस्ट कोअर बँकिंग सोल्युशन अवार्ड, महाराष्ट्र शासनाचा ‘सहकारनिष्ठ पुरस्कार’, महाराष्ट्र राज्य सह. बँक्स असोसिएशनचा शतकोत्तर वाटचाल विशेष सन्मान असे 15 हून अधिक पुरस्कार बँकेच्या शिखरात तुरा रोवणारे आहेत.

सिंधुदुर्ग जिल्हा मध्यवर्ती सहकारी बँक लि., सिंधुदुर्ग

2024

पुणे जिल्हा मध्यवर्ती सहकारी बँक लि., पुणे

2024

कोल्हापूर जिल्हा मध्यवर्ती सहकारी बँक लि., कोल्हापूर

2024

दि अहमदनगर डिस्ट्रीक्ट सेंट्रल को ऑप बँक लि., अहमदनगर

2024

लातूर जिल्हा मध्यवर्ती सहकारी बँक लि., लातूर

2024

दि गडचिरोली डिस्ट्रीक्ट सेंट्रल को ऑप बँक लि., गडचिरोली

2024

दि अकोला वाशिम जिल्हा मध्यवर्ती सहकारी बँक लि., अकोला

2024

THE MAHARASHTRA STATE CO-OPERATIVE BANKS’ ASSOCIATION LTD., MUMBAI

FOUNDATION

ENLIGHTENING

CONNECT

GET IN TOUCH

उशीरा वैकुंथाई मेहता बेस्ट डिस्ट. सेंट्रल को-ऑप. बँक पुरस्कार ( संपूर्ण महाराष्ट्र ) कडून

Winners List

अकोला जिल्हा मध्यवर्ती सहकारी बँक लि., अकोला

रत्नागिरी जिल्हा मध्यवर्ती सहकारी बँक लि., रत्नागिरी

सिंधुदुर्ग जिल्हा मध्यवर्ती सहकारी बँक लि., सिंधुदुर्ग

दि सातारा जिल्हा मध्यवर्ती सहकारी बँक लि., सातारा

पुणे जिल्हा मध्यवर्ती सह बँक मर्यादित पुणे

कोल्हापूर जिल्हा मध्यवर्ती सहकारी बँक लि., कोल्हापूर

दि अहमदनगर डिस्ट्रिक्ट सेंट्रल को-ऑपरेटिव्ह बँक लि., अहमदनगर

लातूर जिल्हा मध्यवर्ती सहकारी बँक लि., लातूर

दि गडचिरोली डिस्ट्रिक्ट सेंट्रल को-ऑप.बँक लि., गडचिरोली

दि अकोला-वाशिम जिल्हा मध्यवर्ती सहकारी बँक मर्यादित, अकोला

सिंधुदुर्ग जिल्हा मध्यवर्ती सहकारी बँक लि., सिंधुदुर्ग

पुणे जिल्हा मध्यवर्ती सहकारी बँक लि., पुणे

कोल्हापूर जिल्हा मध्यवर्ती सहकारी बँक लि., कोल्हापूर

दि अहमदनगर डिस्ट्रीक्ट सेंट्रल को ऑप बँक लि., अहमदनगर

लातूर जिल्हा मध्यवर्ती सहकारी बँक लि., लातूर

दि गडचिरोली डिस्ट्रीक्ट सेंट्रल को ऑप बँक लि., गडचिरोली

दि अकोला वाशिम जिल्हा मध्यवर्ती सहकारी बँक लि., अकोला

Get In Touch

Quick Links

Useful Links